„Chirida de n canister pro la deponia dal ciomënt”: cun chëstes parores el gnü dè alarm dales 17:15 adüm ai stüdafüch da San Ciascian y Badia. Düc’ punsâ a na chirida normala. Düt ater. Tla deponia de Col Maladët el gnü sciüré n canister cun laìte la sostanza da tosser “mercaptane” che vëgn adorada pur di dè tof a l gas che scenò foss nia da tofè. Adüm ai ombolc’ de Badia e Corvara, ai Carabinieri, ai responsabli dla deponia y esperc’ dla dita Selgas unse tut la dezijiun de runcé sö düt l rofl cun furcies y badis metan averda a nia danejè l canister. Dô zirca düs ores de chirida unse podü stlü jö l’intervënt cun suzès. Savan dl gran prigo y dles conseguënzes che la sostanza ess gaujè in cajo de pordüda dl caninster, el düc’ che à lascè jö n gran pëis canche l canister é gnü ciafè. Ala fin unse ciamò puzenè düta la atrezatüra y le guant adorè intratan l’intervënt.

La notizia ti foliec'